دەربارەی خەڵات

خەڵاتی ئەندازیاریی کوردستان بۆ ساڵی ٢٠١٦، وەک یەکەمین و تاکە خەڵاتی کوردی لە سنوری هەرێمی کوردستان بە ناوچە کوردستانیەکانی دەرەوەی هەرێمیشەوە لە بواری ئەندازیاریدا بە بێ ڕەچاو کردنی مەرجی تەمەن، دەبەخشرێت بە سێ ئەندازیار لە پسپۆڕییەکانی ( تەلارسازى,شارستانى، کارەبا).
خەڵاتی ئەندازیاریی کوردستان بۆ دەرخستنی توانا شاراوەکانی ئەندازیارانی کوردستان بە گشتی و ناساندنی کەسانی بە توانا بەهێز کردنی بواری داهێنان لە پرۆژە ئەندازیاریەکاندا بە گشتی و هەنگاونان بۆ یەکخستنی شێواز و دانانی پەیڕەوی ئەندازیاری کوردی هاوبەش.
خەڵاتی ئەندازیاریی کوردستان وەك دەرخستنی هەستی بەرپرسیارێتی ئەندازیارە بۆ ئێستایەكی وەستا و لە ڕووی جموجوڵی دارایی و ئاوەدانیەوە، دەتوانین بیكەین بە وێستگەی خۆئامادە كردن بۆ وەرزی نوێی دوای ئەم هەموو لەمپەر و وەستانە و هەنگاونان بەرەو پێشكەوتنی كوردستانی خۆشەویست.